Cake-ah bati chhit chhem hlum suh
Birthday cake-ah mombati chiin kan chhem hlum Thin, mahse, hei hi taksa hriselna atan a Tha lo niin mithiam ten an sawi tlat mai. Hetia cake-a mombati chhit kan chhem hlum hian cake-ah bacteria chi hrang hrang a darh theihna risk hi 15,000 percent-in a pung niin Times of India health chuan a tarlang.
Clemson University, South Carolina-a mithiam ten zirchianna an neih aTanga an hnmuh danin cake-a mombati chhit chhemhlum aerosol transfer avaangin cake-ah bacteria a pun theihna risk a sang ta vak Thin niin an sawi.
Zirchianna neitu te hian cake icing awmah mombati chhiin, an chhemhlum ta a, minute 15 vel hnuah chuan cake-a bacteria awm chu cake-a mombati an chhit hma aiin a lo pung nasa ta hle mai a ni. Hei bakah hian mombati chhemhlum hnuah cake-ah chuan bacteria chi hrang hrang 100 chuang a lo awm nghal niin an sawi bawk.
Mahse, vanneih thlak takin cake icing vela bacteria awm te hi taksa tana hlauhawm lutuk an ni lo va, kan taksa a natna dotu ten an lo hneh theih bacteria a ni tlangpui, mahse, a pawi theih dan ber chu cake a mombati chhemhlum-tu kha a hrisel vak loh a, hritlang emaw, boruak aTanga natna inkaichhawn theih ang chi natna nei emaw a nih chuan cake eitu ten a natna ang kha an kai ve theihna risk a sang ta Thin a ni.
Cake-ah bati chhit chhem hlum suh
