Hun rei tak Cricket Association of Mizoram (CAM) honorary secretary nihna lo chelh tawh Mamon Majumdar chu Board of Control for Cricket in India (BCCI)-a roreltu sang ber apex council member-a thlan a nih avangin CAM-a a nihna a chawlhsan a, a hmunruak luah tur hian P. Lalremruata (Makuka), Chaltlang thlan a ni.
Supreme Court rel danah mi pakhatin post pakhat bak a chelh theih loh avangin Majumdar hian CAM-a a nihna bansanin BCCI rorel khawl lamah a insawrbing dawn ta a ni.
CAM honorary secretary thar atana thlanchhuah Makuka hi term hluiah finance secretary a ni a, kum 2022-24 term kal laiah nihna pawimawh zawk a chelh chho ta a ni.
Inrinni khan Aijal Club-ah CAA annual general body meeting an ko a, he hunah hian honorary secretary thar an thlan rualin kum 2023-24 chhunga CAM budget atan Rs. 23,90,83,500 pawm a ni.
CAM hruaitu lawk insiksawi
