Cancer laka damna puang Navratilova
Kum 2010 daih tawha hnute cancer tih an hmuhchhuah hnua dam fel tawh tennis great Martina Navratilova chu nikum November thla khan hrawk cancer a vei tih hmuh a ni leh a, mahse, thla li dawn lai cancer natnain a tihbuai tawh loh thu tunhnai khan a sawichhuak leh ta!
Single leh double title chhiar tel veka Grand Slam title 59 tehreng hui tling Czech-American hi tennis player piang-chhuak tawha ropui berte zinga chhiartel niin, chu-tiang mi chuan January thla khan a hrawk cancer hmuhchhuah thar chu Stage 1 a nih thu a lo sawi tawh nghe nghe.
Kum 66 mi chuan tunkar tir lam Thawh-lehnia TalkTV-in Piers Morgan nena an in-kawmna a tihchhuahah damna puangin, “Ka hriat danin cancer-free ka ni ta,” a ti.
Cancer laka damna puang Navratilova
