Cancer risk tisangtu chi hrang hrang a awm a, kan lifestyle bakah kan chhungkua cancer chi kan nih leh nih loh te, kan kum upat dan leh kan thil chin chi hrang hrang te hian cancer risk a tisang thei. Chutih laia kan ngaihthah fo chu kan ei leh in te hi an ni. Mithiam ten zirchianna an neih atanga an hmuh danin cancer 10 zela pakhat hi chu ei leh in tur dik eiin in ila kan veng thei niin an ngai. Tun tumah hian cancer risk tisang thei choka vela kan kawl reng thin ni a Times of India health section-in a tarlan te kan rawn chhuah chhawng e.
1. Hydrogenated oil: Heng tel hian trans fat an pai hnem. Hydrogenated oils, heng thlai hriak (vegetable oil) te hi chawhmeh kan nana oil tha lo berte zinga mi niin health expert ten an ngai. Hydrogenated oil chu hman loh theih a tha ber.
2. Alu chip: Potato chip leh heng french fries thleng pawhin cancer risk tisang thei vek an ni. A chhan chu heng junk food te hi hydrogenated oil hmanga kanro an nih thin vang a ni a, chubakah chi al an pai hnem hle bawk. BP sang thlen thei an nih mai piah lamah, hriselna atana tha lo chi hrang hrang leh cancer risk te pawh tisang thei a ni. National Cancer Institute-in a tarlan danin, french fries leh alu chip hian acrylamide an pai a, chu chu cigarette khu keh Industrial waste a chemical awm ang tho a ni a, he chemical hi cancer thlentu a ni.
3. Sarep leh sa hemhmin: Heng mei hmanga sarep leh sa hemhmin te hian pancreatic cancer risk 67 percent-in a tisang thei.
4. Chini: Chini pawh hi cancer risk tisang thei a ni. Insulin level a tisang a, chu chuan cancer cell a tithang duh. Chini-a fructose awm hian caramel colour a nei a, chu chu cancer thlen thei a ni bawk.
Cancer thlen thei
