Candidate hausak lam aiin ram
an hmangaih dan en a ni zawk
– F Rodingliana
ZPM party chuan candidate an thlan dawnin an hausa em, tih lam aiin, ram hmangaihtu a ni em tih an en thin tih minister F Rodingliana chuan a sawi.
Sinlung Hills Council inthlan campaign-a kal F Rodingliana chuan Hmar tlangdungah Pathian ram tundin a tul tih a sawi a. Mizote chu pi leh pu atanga hnam rinawm leh hnam intodelh tak kan ni a, tlawmngaihna leh taimakna chhuanawm tak nei hnam kan nih thin laiin, vawiinah chuan eiruk leh hlemhletna bakah ruihhlo in nasa takin min run a, nupa inthen kan tam hle a, chu chuan chhungkaw kehchhia a hring chhuak a, khawtlang nun thlengin a nghawng thin tih a sawi.
“Kan hrisel lo em em a, kan taksa bakah kan rilru thleng hian a hrisel tawh lo. Heng zawng zawngah hian dem tur kan zawng dawn a nih chuan, hun rei tak kan ram politics kalsual khan nasa takin mawh a phur ngei ang. Chuvangin kan ram rorelnaah Pathian ram kan tundin a tul a, Hmar tlangdungah pawh Pathian ram hi tun dinin awm leh rawh se,” a ti.
ZPM party chuan candidate an thlan dawnin an hausa em, tih lam aiin, ram hmangaihtu a ni em tih an en thin tih minister hian a sawi a. Ram rorelnaa Pathian ram tundin an duh zia hriain mipuiin sawrkarna an pe a. Sinlung Hills Council inthlanah pawh ram hmangaihtu leh hmar tlangdung hmangaihtu nia ZPM-in a hriat an candidate atan an rawn chhhawp chhuaka, Hmar tlangdunga Pathian ram tundina a lo awm theihnan heng an candidate hi thlangtling turin a ngen tih a sawi a ni.
Candidate hausak lam aiin ram an hmangaih dan en a ni zawk – F Rodingliana
