Aizawla Assam Rifles buatsaih Rozgar Mela /Job Fair hmanpuitu Union Minister of State for Minority Affairs John Barla chuan India sawrkar hnuaia Central Armed Police Forces (CAPF) a Mizo thalai hna hmu thar mi 68 hnenah appointment letter a hlan.
Union MoS chuan Mizorama Rozgar Mela hmanna puala CAPF hrang hrang hnuaia hna hmu tharte leh an chhungte a lawmpui tih a sawi a. India ram venhim leh ram tha tichak tura bultanna a ni tih hria a, Prime minister-in a ngaihpawimawh em em ram ralmuang leh him, chhunglam leh pawnlam buaina laka fihlim, hmasawn leh changkang siam kawnga pawimawh tak a ni tih a sawi.
Ram venhim leh rawngbawl hna thawk tura ke pen chhuak thalaite chu theihtawp chhuah tura fuihin, ram leh hnam ziarang chhuang tur leh mawhphurhna tha taka hlen turin John Barla hian a chah.
Rozgar Mela hi India state 25-a hmun 44-ah Thawhtanni khan hman a ni a, a hmanna pui ber chu Prime minister hoa neih a ni.
CAPF-ah Mizo thalai 68-in hna an hmu thar
