Case chhuichhuak rang
police officer chawimawi
Mamit District SP Manny Bhushan Singh chuan Kendriya Grihmantri Damshata Padak 2025 chawimawina dawngtu, Mamit District Executive Force ami SI Samuel Lalramenkima hnenah sawrkar laipui Ministry of Home Affairs-in lawmpuina lehkha (appreciation letter) a pek chu Ningani khan a hlan.
SP chuan entawntlaka hnathawk zel turin a chah a. He chawimawina hi Mizoram Police miten an dawn zel a beisei tih a sawi.
Kumin February-a Bungthuam Mamit district-a inthahna case rang taka chhuichhuah a nih theihnaa hma a lakna avangin SI Samuel Lalramenkima he chawimawina hi a dawng a ni.
Kendriya Grihmantri Damshata Padak Award hi Ministry of Home Affairs buaitsaih niin, kumtin October 31-a Sardar Vallabhai Patel pianchamah chawimawina dawng turte puan an ni thin. Police force, security organization, Intelligence Wing /Branch/ Special Branch of State/Union Territories /Central Police Organizations /Central Armed Police Forces leh Forensic Science (Central /State /UT) hnuaia hna thawk thate hnena hlan thin a ni.
Case chhuichhuak rang police officer chawimawi
