Central Bureau of Investigation (CBI) te chuan April 11 khan Bharat Rashtra Samithi legislator K. Kavitha chu Delhi excise policy case kaihhnawihah an man.
Kavitha chu judicial custody hnuaiah Tihar Jail ah Enforcement Directorate (ED) tena Hyderabad-a an man hnuah dah a ni zui nghal a. April 10 khan CBI te chuan special court atangin man phalna an la a ni.
Kavitha chu ‘South Group’ tih mai khatihlaia Aaam Aadmi Party (AAP) communication and media in-charge Vijay Nair, AAP leader thenkhat aiawh hnena ‘kickbacks’ Rs 100 crore pe tu zinga tel tia puh a ni a.
Probe agencies te chuan Kavitha leh group member dang te chu top AAP leader Delhi Chief Minister Arvind Kejriwal leh khatihalai Deputy Chief Minister Manish Sisodia te chu excise policy siam leh hman a nih theih nana thurualpuiah an puh a ni.
Probe agencies te chuan August 17, 2022 khan Sisodia leh midang 14 te lakah case an ziaklut a ni. Delhi excise policy chu siam danglamin chu mi hmang chuan license holders te duhsak an ni a, license fee te tihhniam niin L-1 (wholesaler) license chu authority’s clearance pawh la lovin pawhsei a ni an ti.
South Group ten kickbacks a Rs 100 crore an pek avang hian an sum sen te an neihlet leh theih nan Indo Spirit company ah 65% stakes pek an ni an ti bawk.
CBI ten BRS legislator K. Kavitha man
