Central Board of Secondary Education (CBSE) chuan May 13 khan pawl 10 leh pawl 12 Board exam result a tichhuak a. Mizorama CBSE zawmtu zing ami Mizoram Institute of Comprehensive Education (MICE) pawhin result tha tak a nei.
MICE hian pawl 12 bikah, Arts stream-a exam atangin zaah za an pass a, distinction-ah 24, 1st division 28 leh 2nd division 4, an ni. Science stream-ah exam zawng zawng atangin zaa 98 an pass a; distinction-ah 5, 1st division 36, 2nd division 4 niin, pakhat a fail a, compartment nei 7 an awm.
CBSE thuchhuah danin pawl 12-ah hian zirlai exam zawng zawng atangin zaa 87.98 an pass a. Kum kalta aiin zaa 0.65 in pass percentage a sang zawk. Pawl 10 exam-ah zirlai pass zawng zawng zaa 93.60 a ni.
CBSE result-ah MICE titha
