Baptist Church of Mizoram rorelna sang ber, Assembly Executive Committee chuan Council of Churches in Mizoram puala Special Sunday neih a rawtna chu pawmin Assembly-a thlen a remti.
Mizoram Baptist Kohhran Assembly hnuaia rorelna sang ber, BCM Assembly Executive Committee thutkhawm nihnih awh hi a nikhatna Nilaini khan BCM Hall Serkawn Lungleiah neih a ni. BCM president Rev F Ramdinmawia’n kaihruaiin, general secretary Rev Dr R Lalbiakliana’n department hrang hrang hmalakna report a pe.
An thu ngaihtuah zingah Mizorama kohhran hrang hrang inzawmkhawmna, Council of Churches in Mizoram puala Special Sundau neih rawtna Assembly-a thlen tura remtih a nih bakah pawl pathum – Mizoram Students Evangelical Union, Foundation For Drug Free Mizoram leh Odhisa For Christ hnenah kum khat atan recognition pek a ni.
Thutkhawmah hian kum 2025- 2028 atana Mizoram Baptist Kohhran hruaitu tur – general secretary, associate general secretary pahnih leh executive secretary Aizawl Area leh Lawngtlai Area thlan a ni a. Department hrang hrang leh Committee lian – Nomination, Central, Service leh Mission Department atanga thulut, ABC leh bial atanga thulut ngaihtuah a ni bawk.
General secretary atan Rev Dr H Lalthlamuana thlan a ni a, associate general secretary (Mission) atan Rev R Lalrintluanga thlan niin, associate general secretary (Service) ah Rev Vanlalmuankima thlan a ni. Executive secretary Aizawl Area atan Rev C Lalhungliana leh executive secretary Lawngtlai Area atan Rev Dr Lalzarliana te thlan an ni.
CCM puala Special Sunday neih rawtna BCM rorelna sangah tlang
