Social leh economic lama harsatna tinte chu sorkar inrawlhin chinfel vek theih nia ngaih chu a dik lo tiin Chief Economic Advisor V. Anantha Nageswaran chuan March 27-ah a sawi a, unemployment angah te chuan a chhanna aiin a natna hriatchhuah a awlsam zawk tiin a sawi bawk.
“India Employment Report 2024: Youth Employment, Education and Skills” International Labour Organisationleh The Institute for Human Development (IHD) te buatsaih dun tlangzarhnaah Nageswaran chuan hna lak lamah sorkar tih theih a tlem a ti a.
“Hna latute chu commercial sector-te an ni” tia sawiin sorkar chuan hna tautet a awm theih nan ruahmanna leh chetlaka neiin a siam thung a ti a. Chung zingah chuan skill development lama hmalakna te National Education Policy of 2020 te chu a pawimawh a ti bawk.
CEA chuan salary payments tana corporate income tax breaks te bakah provident fund contribution-a subsidy pekte a sawi lang bawk a. “Chiang taka kan sawi lan ngam chu tax code-te chuan employment generation aiin capital accumulation a awn zawk tawh lo” tiin a sawi.
Kum 1970 a satirical film Mohammed bin Tuglaq, Cho Ramaswamy ziah leh directed chungchang sawiin CEA chuan kha movie-a changtu ber chu ram khat Prime Minister eirukna leh unemployment a harsatna te chinfel intiam chungchangah ‘thu dik a awm’ a ti a.
“Unemployment chungchangah chuan, en ta che u, ka tih zawng chu nitin dawhsana ka lawnnaah unemployment porblem kan chinfel a ngai tiin ka sawi char char ang a, chu chu unemployment problem chinfel nana ka hnathawh chu a ni mai. A chhan chu keia lo chinfel theih a ni lo a ti a ni” tiin a sawi.
Nageswaran chuan khawvel ram tin sorkar te chuan welfare policy te hmangin hnathawhna lama incentive te an titlem zel a ti a, chu chuan labour market a tichhe zawk a ti bawk.
“Public policy inrawlhna tinah dodalna a awm ziah. A nawlpuia lak pawhin mihringte chuan kan nundan leh chin thante chu doctor tena kan taksa an enfiah hnuah kan thlak danglam thin. Chutiang bawk chuan kan thalai te pawh skill leh hnathawk tura rilru puthmang dik kan pek chuan hnathawh an phur mai ang” tiin a sawi bawk.
Chidambaram-an chhang?
Finance Minister Chidambaram chuan, “Chief Economic Advisor-in inpuanna rilru nghawng nasa mai a. Sorkarin unemployment a chingfel thei lo a ti a, min barakhaih. Hei hi BJP sorkar official-a an ngaihdan a nih chuan tlang hrakin in seat chhuahsan rawh u kan ti tur a ni” tiin a sawi a.
“Congress te chuan unemployment issue-ah plan nghet tak kan nei a, kan manifesto-ah tarlan a ni ang” tiin Chidambaram chuan a sawi a. Congress-te chuan BJP sorkar chu thil man sang leh unemployment chungchangah an bei nasa hle reng a ni.