Celine is back- Olympics opening ceremony-ah a perform
Celine Dion chu rimawi khawvelah a rawn kir leh ta a, kum li zet stage-a a perform tawh loh hnuah July ni 26 zan khan 2024 Olympics opening ceremony-ah a perfoam a, khawvela hmun hmingthang berte zinga mi Eiffel Tower-ah ngei perform-in, pui zetin Édith Piaf “Hymne A L’Amour” a thlawh. Tun hi 2020 hnua mipui hmaa stage-a a perform lehna hmasa ber a ni.
Celine Dion hian nerve lam natna stiff-person syndrome a neih avangin a zai thei lo reng a, he natna avang hian a taksa pawhin a tuar hle a, mipui hmuh tur pawhin a inlan zen zen lo.
2024 Paris Olympics opening ceremony-a a perform zawh hnuah Celine chuan Instagram-ah, “Paris 2024 Opening Ceremony a zanina ka perform thei hi ka va lawm tak em, ka khawpui ngainat berte zinga miah ngei ka inlan leh thei hi ka hlim tak zet a ni,” tiin a post.
Celine, kum 56, chuan Olympian, game hrang hranga intihsiak turte a ngaihsan thu sawiin, “Heng infiammi ropui tak tak te nen hun kan hmangho thei hi ka lawm a, an inpekna leh tumruhna, natna leh tawrhchhelna chanchin te hi a ngaihnawm a ni. In tumram thleng turin in insawrbing a, medal in hawn emaw hawn lo emaw pawh ni se, helai hmun in thleng hrim hrim pawh hi tum ram thlenna chikhatah in ngaih theih ngei ka beisei. A tha ber ni tura in thawhrimna te kan hriatpui che u a, chuvangin inchhuang tur in ni. Insawrbing ula, kal zel rawh u, ka rawn hre reng che u a nia,” a ti bawk.
Celine is back- Olympics opening ceremony-ah a perform
