Thawhleh zing khan NBA Eastern Conference final khelh a ni a, Boston Celtics in Indiana Pacers lakah hnehna chang nawn lehin NBA Final a lut. Celtics hian Dallas Mavericks leh Minesota Timberwolves te inkhela chak zawk zawk an hmachhawn zui leh ang.
Conference final game hmasa pathumah hnehna chang zawn tawh Celtics hian final luh chian nghal ngei tumin \an an khawh a, game linaah an khel \ha leh viau. Inkhel hmuhnawm takah hun tawp dawn \epa Jaylen Brown point thum vawm luh hmangin hnehna pawimawh tak an chang.
Final game linaah Celtics leh Pacers ten inhnehtawk takin bul an \an a, quarter khatnaah Celtics hi point hnihin an chungnung thei hram. Bul \an \ha lo mah se Pacers hi quarter hnihnaah point khatin an chungnung ve thung a, Celtics in point khat chauha hmahruai chungin chawlhlawk an hmang.
Chawlhlawk hnu lamah inkhel a hmuhnawm zui viau a, Pacers an khel \ha chhunzawm a, quarter thumnaah point liin an chungnung a, point thuma hmahruai chungin quarter hnuhnung ber an hmachhawn. Quarter hnuhnung berah chak zawk nih tumin \an an khawh dun nasa viau a, point an inluhchhawk zak zak. Pacers hian a vawi khat nan chak a, final luh beisei zui thei turin chak an tum ngawrh lehzual. Hun tawp dawn \ep thlengin point 102 ve ve hmuin an inhnehtawk. Hun tawp nan second 45 chiah a awm tawh laiin Celtics player pawimawh Jaylen Brown chuan point thum hlu tak a vawm lut. He point thum hmang hian point 105-102 in hnehna an chang a, Eastern Conference champion an ni ta a ni.
Celtics hnehna Eastern conference champion an nih theih nan Jaylen Brown chuan Celtics tan point 29 a thawkchhuak a. Jayson Tatum chuan point 26 a thawhchhuah bakah ball sawhlet vawi 13 dawngin, assist vawi riat a nei bawk. Celtics hian a vawi 28 nan NBA final an lut a, NBA final lut ngun ber an ni. Final-ah hian Dallas Mavericks leh Minnesota Timberwolves te inkhela chak zawk zawk an hmachhawn dawn a. Dallas hian series ah 3-0 in hma an hruai mek a, Celtics hmachhawn turin final an luh a rinawm hle.
Celtics in NBA final an lut
