Central-a BJP kaihhruai sawrkar chuan budget pumpui atangin education atan zaa 2.4 a dah a, bawng zun zirchianna atan cheng vaibelchhe 98 a seng thung tih Congress hruaitu Lalnunmawia Chuaungo chuan a sawi.
Aizawla thuthar thehdarhtute a kawmnaah MPCC senior vice president Lalnunmawia Chuaungo hian India rama kum 12 rorelna an chan tawh chhunga BJP kaihhruai sawrkarin zirna lam a ngaihthah leh a sawpchhiat nasat thu a sawi a. Chu’ng zinga zirlai leh thalai hna zawng mekte tibeidawng em emtu chu exam chi hrang hrang zawhna putru hi a ni tih a sawi.
India rama medical zirna seat nuai 1.29 awmah doctor zir tum zirlai nuai 22 chuangin kumin May 3-a National Eligibility cum Entrance test (NEEt) an hmachhawnah zawhna putru avangin June 21 khan exam that tir leh an ni a. NEEt paper putru avang hian zirlai 12 an intihhlum phah a, NEEt paper hi exam hmain whatsapp-ah Rs. 5000 – Rs. 30000 inkara toin lei tur a awm a; Rajasthan-ah phei chuan nuai 30 thlenga hralh a ni tih a sawi.
BJP rorel kum 12 chhung hian ram pum huap exam-ah tum 23 zawhna putru a awm tawh a. thalaite hma hun nasa taka tihchhiat a ni tih a sawi a ni.
2018 May 15 khan exam engemawzat (NEEt, JEE, NCEt, CUEt- UG & PG, UGC-NEt, CMAt adt) buaipui tura BJP sawrkar chuan National testing Agency a din a. Exam pakhatah zirlai nuai chuang an exam ziah a. Zawhna putru a awm chuan zirlai nuai chuangin an tuar ziah tihna a ni tih MPCC hruaitu hian a sawi.
National Education Policy 2020 an kalpui dan pawh tih tak takna awm lo nia sawiin, “Congress kaihhruai UPA sawrkar khan education-ah budget pumpui atanga 4.7% a dah laiin, BJP hian 2.4% chauh a dah. thil man sang zel leh sum hlutna tlakhniam dan atang chuan India rama zirna kalpui tak tak turin budget pum atanga 2.4% hi a beitham a; bawng zun zirchianna atan vbch 98 an seng thung. Hei hian BJP-in zirna a ngaih thutak loh zia a lantir chiang,” a ti.
Congress party chuan BJP sawrkar hnuaia zirna kalphung nunrawng tak hi tih bo an tum tih Lalnunmawia Chuaungo hian sawiin, “India ram thalaite tan zirna kawnga mawhphurhna la ngam sawrkar din kan tum. Zirlai leh mithiamte nena inrawn tlangin, thangtharte tan zirna awmze nei leh kalphung tha zawk siam kan tum dawn a. Hei hi tihhlawhtlin a nih theihnan India ram pum huap exam hrang hranga zawhna putrua mawhphurhna la ngam lo, zirlai nuai tel hma hun tichhetu Union Education minister Dharmendra Pradhan hi Education minister aanga bang turin kan phut a ni,” a ti.
Central BJP sawrkarin bawng zun zirchianna atan vbch. 98 a seng
