Central leh South America-ah a let thumin Dengue vei pung
Dengue natna chu central leh south america lamah a let thumin a pung tih nilaini khan Pan American Health Organization (Paho) chuan a tarlang.
Paho chuan kum 1980 a record lo awm tawh aiin tun tuma hri leng hi a tam tawh zawk thu sawiin, Dengue vei hi mi maktaduai 12.6 chuang an awm tawh thu leh thihpui 7,700 chuang an awm thu a sawi.
A bik takin he hri leng hi South America-ah chuan Brazil, Argentina, Colombia-ah tamin, Mexico-ah pawh hri vei hi an tam hle tih tarlan a ni bawk.
Dengue hi thosi atanga natna kai chhawn niin, thihna hial a thlen thei a, tun hnaiah chuan South America mipuite suat nasa tu nia sawi a ni.
He hri veite hi khawsik leh lu na neiin a lang chhuakin, taksa leh ruh na them thumte pawh an nei thin bawk tih Paho chuan a sawi.
Central leh South America-ah a let thumin Dengue vei pung
