Central sorkar chuan a hnathawk leh pension tawh te vaibelchhe chuang te dearness allowance (DA) chu tuna 42% atangin percentage thuma tisangin 45% ah a tihsak dawn hmel.
Employee leh pensioner te tana dearness allowance hi thla tina Labour Bureau in Consumer Price Index for Industrial Workers (CPI-IW) mila siam thin a ni a. Labour Bureau hi Labour Ministry hnuaia awm a ni.
“CPI-IW chu June 2023 chu July 31, 2023 khan tihchhuah a ni a. Dearness allowance ah four percentage point a tihsan kan ngiat a. Mahse, three percentage point a tihsak kan ni. DA hi three percentage point in 45 per cent-ah dah chhoh a nih hmel,” tiin All India Railwaymen Federation General Secretary Shiva Gopal Mishra chuan a sawi a.
Finance Ministry hnuaia expenditure department chuan DA tihsan hi revenue nghawng a neih te nen siamfelin chu chu Union Cabinet pawm tura theh luh a ni ang tia sawi a ni a.
Tun dinhmunah central sorkar hnuaia hnathawk leh pensioner vaibelchhe chuangte chuan dearness allowance 42 per cent an la a. Dearness Allowance revision hnuhnung ber chu March 24, 2023 khan neih fel tawh niin mahse a effective date ah January 1, 2023 hman a ni.
Central sorkar hnathawkte DA tihsan a nih ring
