Finance Ministry chuan Finance Minister Nirmala Sitharaman-i’n Parliament-a Finance Bill 2023 amendment siam tura pharha a sawi chhuah sorkar hnathawk pension system enfiahtu tur committee dinna a tichhuak.
Opposition rorelna State thenkhatte chuan National Pension System (NPS) duh lovin Old Pension Scheme zawk pension atana hlawh lak hnuhnun ber 50% lak theihna chu an thlang zawk a, State dang Maharashtra te ang BJP te pawh sorkar-a an tel vena te chuan an ngaihtuah mek bawk.
Thupek siam chuan panel te tan hun bituk a siam lo va, Sitharaman chuan ‘Sorkar hnathawkte tan NPS chu siam that a ngai tiin aiawh dah an ni’ tiin a sawi a. Minister chuan March 24 khan lok Sabha-ah committee thutlukna chu Centre bakah State nghawng a ni ang, a ti bawk.
Member pali awmna hi Finance Secretary T.V. Somanathan an kaihhruai dawnin member zingah chairman of the Pension Fund Regulatory and Development Authority (PFRDA), January 1, 2004 atanga sorkar hnathawk pension te enkawltu leh NPS hman enfeltu chu member zingah tel tur a ni a. New pension Scheme hnuaiah hian sorkar hnathawkte chu pension guaranteed pek an ni lo.
Committee-ah hian Secretary, Department of Personnel and Training leh Special Secretary, Department of Expenditure of the Finance Ministry te pawh an tel a, thupek chhuah chuan committee hian sorkar hnathawkte harsatna awm thei bakah khua leh tui pangngai te mamawh sum lama phuhru tho si turin an ngaihtuah ang a ti.
NPS structure chu siam danglam leh siam that ngai a ni em tihte panel te chuan an ngaihtuah dawn bawk a, a awm a nih chuan rawtna an siam zui mai dawn a, mahse, chu chuan Centre sum dinhmun dik tak hre ran chungin rawtna an siam a ngai thung ang.
NPS review committee te hian an duh chuan Central sorkara officer tu pawh an ruat belh thei a, hei bakah hian State te pawh an berawn thei bawk a, Expenditure Department mi leh sa te chu committee secretariat angin an awm thung ang.
Centre-in NPS enfiah tur committee din
![](https://theaizawlpost.org/wp-content/uploads/tap_logo-min-large.jpg)