Union Home Minister Amit Shah chuan Tipra Motha Party (TMP) supremo Pradyot Bikram Manikya Deb Barma hnenah Centre chuan an thil phutte tihhlawhtlin a nih theih leh theih loh enfiah turin interlocutor a ruat tur thu a sawi.
TMP te hian Tripura Tribal Areas Autonomous District Council (TTAADC) inthlan April 2021 a chakna an chan hnuah ‘Greater Tripraland State’ an ngiat a ni.
“Shah an interlocutor ruat a nih tur thu sawiin TMC demand te enfiaha ‘constitutional solutions’ zawng tur ruat a nih tur thu min hrilh a ni,” tiin party chief Pradyot chuan a sawi a. “Home Minister hian Tripras te rilru puthmang hrefiahin kan duh min tihhlawhtlinsak ngei ka beisei,” tiin a sawi bawk.
February 16-a Assembly poll neihnaah pawh ‘Greater Tipraland State’ chu auhla bera neih niin TMP te chuan a tum khat nan seat 42 an chuhah seat 13 ngawt an la a, Tripura Assembly member 60 awmnaa tribal awmnaa seat 20-ah 13 an la thei a ni.
BJP te tih lohah chuan party lian ber ni zuiin BJP te chuan seat 32 an la a, Indigenous People’s Front of Tripura (IPTF) te chuan seat khat an la a, CPI-M ten seat 11 leh Congress ten seat thum an la a ni.
Kar kalta khan Chief Minister Manik Saha thung chuan ‘Greater Tripraland State’ chu hnawl thungin state sorkar chuan tribal te tihhmasawn nan engkim tih a huam tiin a sawi a, Tripura-a mipui maktaduai li vela hmun thuma thena hmun khat chu tribal te an ni.
March 8 khan Deb Barma chuan Agartala-ah darkar hnih chuang Union Home Minister Amti Shah a titipui a, hetah hian Centre chuan interlocutor ruatin TMP te demand chu thla thum chhunga chinfel an tiam a ni.
Kha meeting neihnaah khan Shah mai bakah BJP President J.P. Nadda, Assam Chief Minister Himanta Biswa Sarma leh Tripura counterpart Manik Saha leh TMP legislator 13 te bakah senior leader te pawh an tel a. BJP mai bakah opposition CPI-M, Congress, Trinamool Congress leh party tenau dangte pawhin ‘Greater Tripraland State’ siam chu an thlawp lo bawk.
Centre-in TMP demand enfiah tur ruat
![](https://theaizawlpost.org/wp-content/uploads/tap_logo-min-large.jpg)