Mizoram chief electoral officer Madhup Vyas chuan MP inthlan atana inbuatsaihna leh electoral roll awm dan enfiahin Inrinni khan Saitual a tlawh a, district election officer Dr Lalngura Tlau leh election hotute nen an inkawm.
CEO chuan MLA inthlanpui neih takah Saitual chuan district a nih hnua a vawikhat inthlan hmachhawnna ni mah se, felfai taka an buatsaih chu election official ho leh thawktute inpekna vang a ni, tiin, lawmawm a tih thu a sawi. Lok Sabha MP inthlan turah pawh tan la a, a bikin vote tlak tlemna leh critical polling station bika vote tla average a pun theih nan hma lak a tul tih a sawi a ni.
MP inthlan atan inruahmanna sawiho zingah EO, ERO leh AERO indaihlohna, venhimna lam, MLA inthlapuia vote tla aia hniamlo tura tan lak, vote tlak thatlohna hmunah zaa 5 tala vote tla tisang tura SVEEP hmanga tan lak tul thute a tel a ni.
CEO-in Saitual a tlawh
