Tunah hia Champhai district-a home hrang hrangah naupang 665 an awm mek.
Mission Vatsalya hnuaia District Child Welfare and Protection Committee thutkhawma tarlan danin, naupang venhimna ngai bik, Rose Children Home leh Genesareth Gospel Home-a dah an ni a; naupang dan bawhchhia chu Champhai Observation Home-a dah an ni. Heng home-a naupang awm hi 665 niin, 381 chu mipa, 284 chu hmeichhia an ni.
Kum 2015 atangin chhawmdawl ngai naupang hnenah tanpuina sum pek tan a ni a. Tun thlengin naupang 398 hnenah pe tawhin, tunah hian 130 pek tura ruahman a ni. Naupang 1-ah Rs.4000 zel pek thin a ni. Awareness programme vawi 328 an nei tawh a, capacity and sensitization programme hi vawi 295 an nei tawh bawk.
Child Welfare Committee hnuaiah kum 13 chhungin case 1004 an nei a. Kum 2014 atang 2015 chhung khan case 146 awmin, kum 13 chhunga case neih tam ber tum a ni. Kum 2021 atanga 2022 chhung khan case 28 awmin, kum 13 chhunga case neih tlem ber tum a ni. Kum 2023 atanga January 2024 thlengin case 36 a awm tawh.
Juvenile Justice Board hnuaiah kum 13 chhungin case 435 a awm a; kum 2015 atanga 2016 chhung khan case 56 awmin, hei hi kum 13 chhunga case tam ber tum a ni. Kum 2020 atanga 2021 chhung case 18 a awm a, kum 13 chhunga case neih tlem ber tum a ni. Kum 2023 atanga January 2024 chhungin case 26 a awm a ni.
Champhai Home-ah naupang 665
