Champhai kawngpui siamtha dawn
Champhai District Level Road Safety Committee chu an chairman, bawrhsap Mohammad Aaquib hoin Thawhtanni khan an thukhawm a. An district chhunga kawngpui hrang hrang dinhmun leh kawngpui hmangtute himna tur an thlirho.
Thutkhawmah hian state PWD hnuaiah Champhai khawpui chhung kawngpui hrang hrang thawmthatna tur tender chhuah a ni tawh a, March 3 hian hawn a ni dawn tih sawi a ni a. Hei bakah hian SASCI hnuaia khawpui chhung kawngpui siamtha turin ruahman mek leh hmuh beisei mek a awm tih sawi a ni bawk.
NHIDCL enkawl kawngpuiah National Highway-06 thawmthat hna Khawzawl district lam atangin bul an tan a. National highway hlui (Chhungte- Tuipui Road) siamthatna tur ruahman chu thuneituten en tha tura an tih angin, ruahmanna hi an siamthat hnuah an thehlut leh tawh tih sawi a ni.
PWD Highway Division enkawl lai, Champhai Kanan Junction- Zokhawthar siamthatna tur sum chu Ministry of Road Transport & Highway-in a pawmpui tawh tih sawi a ni bawk.
Champhai district-a kawngpui thawmthat tur ho enfiah kawngah district thuneitute leh a paltlang khua aiawh telna District Level Road Monitoring Committee din tum a ni.
Champhai kawngpui siamtha dawn
