Champhaiah a thlawnin mi zai
Association of Surgeons of Mizoram (ASM), Association of Surgeons of India (ISA) leh Indian Society of Anaesthesiologists (ISA) te tangho chuan Inrinni khan District Hospital Champhaiah a thlawna inzai runpui ‘Free Surgical Camp’ an buatsaih.
Free Surgical Camp hi ASM president Dr Saia Chenkual hoin an vaiin surgeon 11, anesthesiologist 3 leh supporting staff-te an tel a. Damlo zai ngai, major surgery 27 hlawhtling takin an zai a, heng zinga 7 hi naupang an ni. Champhai district-a tih ngai loh Laparoscopic Cholecystectomy (zai hawn ngai loa a verhna khawl hmanga mît paih) chu a vawikhatna atan hlawhtling taka tih a ni bawk.
ASM hi kum 2018 khan Association of Surgeons of India (ISA) North East Chapter hnuaia branch pakhat ni tura din a ni a. Tun tum hi an pawl buatsaih free surgical camp tum hnihna niin, nikum khan a tum khatna’n Lungleiah an lo huaihawt tawh a. Thingtlang lama cheng, miharsa zawk leh hmunpui pan remchang lo te inchhawp hnaia puih chu an tum ber a ni. An ruahman dan chuan Mizoram hmun hrang hrangah kumtin free surgical camp tum khat zel buatsaih an tum a ni.
Champhaiah a thlawnin mi zai
