May 30 – June 1 inkar khan Champhai district-a hmun thumah heroin kg. khat chuang man a ni.
May 30 zan dar 8.45 khan Champhai Police leh Assam Rifles tangdun chuan ramri thlenga kal tih an hriatchian Assam registration car pakhat chu umzuiin Champhai leh Khankawn inkarah lirthei hi hmuh a ni a, ami chuangte hmuh tur an awm lo. Lirthei an endiknaah heroin kg.1 leh gram 219 a rit an man a ni.
May 30 tlai dar 6.15 vel khan Zokhawthar Police leh Assam Rifles chuan Melbuk daiah lirthei pkhata chuang Lalruatkima, Champhai Kahrawt Veng inti hnen atangin, a karlum chunga a dah heroin gram 146 (hawng 13) an man a, ND&PS Act hnuaiah thubuai siamsak a ni.
Zokhawthar Police chuan June 1 zing dar 9.20 khan Zokhawthar Maxi Cab stand ah dawnfawh chhunga thuhruk heroin gram 34 (hawng 3) an man a, a neitu nia puh Lalnunpuii, Falkland Veng Aizawl inti chu an man. Chawhnu dar 2.00 velah Zokhawthar lei bulah Real juice bura thuhruk heroin hram 24 (hawng 2) leh a neitu nia puh Lalhunmawia, New Champhai inti chu an man bawk. Heng mi pahnih hi ND&PS Act hnuaiah thubuai siamsak an ni.
Champhaiah heroin man
