An inzui tha hle hle emaw tih laiin, an inthen chanchinin a rawn deng zui a. Kum thum chhung an inzui hnuah Channing Tatum leh Zoe Kravitz te inkar chu a tawp ta.
August 2021 khan Zoa Kravitz-i directorial debut ‘Blink Twice’ ah Channing Tatum hi a chang a, heta tang hian an inkarah ri ret ret a awm tan a, hun eng emaw chen an inzui hnu, October 2023 khan ‘tiam tlat e’ tih tumin an inhual a. Mahse, an inhualna te chu mihring ruahmanna lek chauhah changin, tunah hian an inkarah ‘a tawp e lu mam…’ ti niawm ziazangin an inthen a ni.
Kum 44 mi, Channing Tatum hian thla hmasa, September khan a fa neihna, Jenna Dewan nen court hmaah an inthenna a tifel zo deuh kha a ni a. Jenna Dewan nen hian fanu, kum 11-na hmang mek Everly an lo nei tawh a ni.
An thian pakhat, Riley Keough tihpuina zara inngaizawng Channing leh Zoe, kum 35 mi, te hian an inthen chhan hi an la sawi lo ve ve.
Zoe hi musician Lenny Kravitz fanu a ni. Lenny hi a fanu leh a makpa ni hman tep, Channing fan a ni bawk.
Channing Tatum leh Zoe Kravitz inthen
