Chapchar Kut thupui
‘Hawihhawmna’
2025 Chapchar Kut thupuiah ‘Zo nun zemawi – Hawihhawmna’ tih hman a ni dawn.
Thawhlehni khan Chapchar Kut Organising Committee an chairman, chief minister Lalduhoma hoin an thukhawm a. Chapchar Kut 2025 atana inbuatsaihna an thlirho.
Programme Committee leh Chapchar Kut Souvenir Editorial Board an din a. Chapchar Kut hman dan tur tha zawk a awm theih beiseia Art & Culture department-in inrawnkhawm a buatsaih atanga rawtna lut chu Programme Committee-in lo thlir se, an ti.
Chapchar Kut 2025 thupui atan Zo nun zemawi – Hawihhawmna tih thlan a ni.
Chapchar Kut 2025 hmanna atan hian Mizoram sawrkar chuan cheng vaibelchhe khat a ruahman a, department-te chu Chapchar Kut kaihhnawih hmalakna an neihah an department suma lo thawk (convergence) tawh tura beisei an ni. Kut sponsor hi a theih ang ang a zawn leh nise an ti bawk. Sawrkar atanga Kut hmanna tur sum hi district tinah leh state danga Mizoram House hrang hrangah sem chhuah leh tur a ni ang.
Chapchar Kut thupui ‘Hawihhawmna’
