Chapo thei loin min siam

MNF sawrkar kal mek chu an hun chhungin Pathianin chapo thei lo a siam a, an sawrkar leh ngei dawn tih a sawi.
Lengteng bialtu MLA Dr L Thangmawia hian a bialchhunga party programme a hmanpuinaah Pu Zoramthanga kaihhruai MNF chu Pathian leh mipui zarah an sawrkar leh ngei dawn a, a hunah chunglamin chapo thei loin a siam a, a hun takah an tan hna a thawhsak leh zel thung tih sawiin, “Kumin kumtir lam boruak leh tun inthlan dawn boruak khaikhin ila, kumtira chapo takte kha an meng hnuai leh hle tawh a ni,” a ti.
Heng zawng zawng thawhsaktu hi MNF-in an hriatreng a ngai a, Pathian leh ram tana thawk chhunzawm tura an puanven an sawichhin sauh sauh a ngai tih a sawi. Hun harsa karah MNF sawrkar chuan theihtawpin hma a la a, Lengteng bialah pawh hmasawnna tamtak a thleng mek zel tih a sawi.