Cyclone Remal-in Mizorama chhiatna chi hrang hrang a thlena nunna chan te puala vebur khawnna charity concert chu zanin hian HYVEm Aizawl City Hall-ah Gospel United Mizoram (GUM)-in an nei dawn a, zan dar 8:00-ah programme tan tur a ni a, LPS 10 leh Zonet Zawlbuk bakah LPS leh Zonet YouTube channel-ah te live-a tihchhuah a ni dawn a, GUM chuan an programme hman turah hian Mizoram mipuite tawimawm turin an sawm nghal a ni.
He charity concert-ah hian Pathian fakna hla satu hrang hrang an inlan dawn a, zai ngaihthlak tur a awm bakah tusawi tawi te pawh a awm ang. Programme hman chhung hian Cyclone Remal-in chhiatna a thlen avanga nunna chan te puala luan chhuahna hun tha siam a ni dawn a, a mimala ral duh nei tan pawh he hunah hian a leng vek niin GUM chuan an tarlang. Charity concert neih chhunga pawisa thawh te lo dawng turin zai mite hi phone kaltlanga biakpawh theih an ni dawn a, pawisa hi QR code emaw phone call emaw hmanga pek tur a ni a, a hmuna kal chilhin a pek theih bawk ang.
He Charity live concert-ah hian Liandingpuii, Zoramchhani, Grace Lalchhanhimi, R.Lalrinmawii, Cindy, Vohbik, TBC Zaithanpuia, PBK Liankhuma, Muanpuia (Dream Hunter), Lungmuana Chhangte, Steward Lalrochama, Jerry Lalrinawma, Hmingtea Chhangte leh Thawhlehnaniropuia te an zai dawn a ni.
Charity Concert
