Chawngtlaiah ‘Pipu Chhuahtlang’ hawng
Chawngtlai khua Saibualpui hmuna ‘Pipu Chhuahtlang’ siam chu March 31 khan Assembly speaker Lalrinliana Sailo chuan a hawng.
Hemi denchhen hian haw runpui neih niin, hmun hrang hrang atangin Chawngtlai khawchhuak leh lal Nikuala thlahte nen an fuankhawm a. March 29-31 chhung hun hmangin, March 30 khan bialtu MLA leh deputy chief minister ni bawk Tawnluia chuan, Chawngtlai lal Nikuala hriatrengna lungphun a hawng a ni.
Pipu Chhuahtlang hmunah hian Mizo lal hmingthang leh huaisen 70, Mizo pasaltha 40, pipute hun atanga thawnthua mi hmingthang 30, British sipai Mizoram awptute lungphun tur 30 ruahman niin, a bul tan nan Zohnahthlak lal hmingthang leh pasaltha lungphun 5 ve ve leh British laka zalenna atan beitu – Mizo freedom fighter lung phun a ni bawk.
Chawngtlai khua hi pipu sulhnu tamna khua, khualzinte tana hmun pawimawh leh tlawh manhla niin, kum 2014 khan Mizo Historical Village-a puan a ni a, hemi mi hnu atang hian khualzin nuai tel dawnin Chawngtlai hi an tlawh tawh a ni.
Chawngtlaiah ‘Pipu Chhuahtlang’ hawng
![](https://theaizawlpost.org/wp-content/uploads/2023/04/chong-1024x577.jpg)