Kawlphetha renchem inzirtirna tur kumin a Lawngtlai District a School thlan bik 20 a Energy Club din te chu inelna hrang hranga an hmalaknate edik niin nimin khan Electric Veng YLA, Hall Lawngtlaiah Er. R.Romawia, Chief Electrical Inspector, P&E Department chuan lawmman semna hun a hmanpui a. Pu Vansangliana, Project Coordinator, P & E Department chuan hun kaihruaiin Er. Zohmingthanga Chhangte, SDO leh Pu Lalsangzuala Sailo, JE-ten an telpui bawk a ni.
Energy Club hrang hrangte hian mipui hnen ah kawlphetha remchem pawimawhna leh renchem dan inzirtirna kawngah hma an la thin a. Energy Club pakhatah zirlai naupang 20 zel awmin zirlai pakhatin in 10 a kawlphetha hman dan enpuiin an hman tlem dan turte an hrilhhre thin a ni. Heng bakah hian kawlphetha renchem pawimawhna thuziak tar chhuah te, Poster leh pamplet sem chhuah leh Essay leh Painting hmang a inelna te buatsaih thin a ni bawk. Hmalakna hrang hrang kalpui kawng a titha zual School 10, Energy Club Member ti tha mi 13 leh Essay writing competition a titha mi 13 te hnenah lawmman pawisa fai leh citation hlan a ni a. Govt. Chawntlangpui Middle School Energy Club chuan lawmman pakhatna lain Chandmary Middle School-in lawmman pahnihna an la a, Govt. Rosebud Middle School chuan lawmman pathumna an dawng bawk a ni.
Chawngtlangpui M/S-in lawmman 1-na la
