Chemte hmanga beihnaah mi pariat boral

China hmarchhak lam school pakhat kawtah chemte hmanga inbeihna thlengin, mi pakhatin chemte in mi pariat a tihlum a, mi 17-in hliam an tuar bawk.
Tualchhung police te chuan he thil hi inrinni a thleng niin an sawi a, he pawikhawihtu nia sawi Wuxi khawpui chhunga Wuxi Yixing Arts and Crafts Vocational and Technical College-a kal kum 21 mi chu an man tawh thu an sawi.
An thuchhuaha tarlan a nih danin an mi manpa hian kum 2024 khan he zirna hi zawmin, a exam result-a lungawi lo leh diploma a hmuh loh avangin he thil hi a ti ta niin an sawi. Tin, internship pay a hmuhah a lungawi tih a hnuah an sawizui bawk.
Police te chuan an mi man chuan thil a tisual ngei tih inpawmin, an man hnuah a inpuang nghal tih an sawi a, midang inrawlh an awm leh awm loh bakah, thil dang thleng theite chhuichian nghal a nih thu sawiin, hliam tuarte pawh enkawlna tha tak pek mek an nih thu an sawi.
Tunhnaiah China hian vantlang hmuna pawikhawihna thleng a tuar nasa hle a, kar hmasa lawk pawh khan Zhuhai-ah driver pakhatin mi 35 bawr vel a lo su hlum tawh bawk a ni.