Cheng vbch.6 hu Meth man
Mizoram Police chuan Mizoram kaltlanga ruihhlo tawlhruk thin methamphetamine mum sing hnih, international market-a an hralh dan anga chhuta cheng vaibelchhe 6.79 hu an man.
Nilaini khan Champhai Police Chalbawia Junction Khankawn Check-gate duty-te chuan i10 car pakhat lo tidingin, methamphetamine kg 2.26 (mum 20000) an man a. He ruihhlo kengtu nia sawi mi pali – Lallawmawma (32) Venghnuai Aizawl; Joseph Lalhmangaihsanga (28) Chawnpui Aizawl; (3) Jimmy-a (28) New Eden Mamit, tuna Zonuam Aizawla cheng nia te leh, Bikrom Das (26) Rajput Talkar Grant, Cachar Assam nia inchhalte pawh an man tel.
Meth an man hi an car bumper hnunglamah an thukru a ni. Champhai PS-ah thubuai ND&PS Act hnuaiah chhuizui tura ziahluh nghal a ni.
Cheng vbch.6 hu Meth man
