Cherhlun-in zikhlum thar tha
Hralhna zat turah inremsiam
Cherhlun khua chuan an khaw ram, Zo-Zaua an chin fur zikhlum (off season cabbage) an seng mek a, a hralhna rate lamaharsatna an tawh deuh hnu ah kharchhawngte nen inremna fel tak an nei thei tawh.
Hnahthial district-a Cherhlunah hian kum 2019 atang khan fur zikhlum hi an buaipui tawh a, kumtin uar chho zelin kumin hian chhungkaw 42-in Zo zauah an ching a, tunah quintal 600 vel thar tawhin quintal 1000 vel thar an inbeisei tih Zau chairman FJ Tumsanga chuan a sawi.
A hralhna chungchangah harsatna an tawh fo avangin a hmunah Horticulture department hotuten sengpui pahin an enpui a. Tuna organic system-a an zikhlum chin hi kharchhawngte nen inrem hleihtheih loh ni an nei zauh thin tih sawiin, an lungawina ang, kg. ah Rs.40-a an lak ngam dawn loh chuan Horticulture department-in ‘supply chain’ in an buaipui mai an inhuam thu an sawi hnuah kharchhawngte nen kg. ah Rs.40-a la turin an inrem thei ta tih sawi a ni.
Cherhlun-in zikhlum an chin hi Hnahthiala Horticulture department-in a chi an pek ‘Ryzoki variety’ a ni.
Cherhlun-in zikhlum thar tha Hralhna zat turah inremsiam
