November 22 zana Chhimtuipui Tuipui Ferry-a lawng chesualah hnamdang pakhat a thi.
Thudawn danin Nilaini zan dar 7.30 vela Tuipui Ferry kalkai tum lawngah hna thawka Mizorama rawn kal hnamdang unau pathum bakah lawng khalhtu tualchhung mi pahnih an chuang a, lei ban hlui su palhin a chesual a, a khalhtu mi pahnih leh an mi phurh mi pahnih chu chhanchhuah an nih laiin, an zinga pakhat, an unaua milai Nayaj Uddin (22) chu chhan hman a ni ta lo a ni.
Ruang zawn hna hi thawh nghal niin, Ningani chawhnu lam khan an chetsualna hmun bulah a ruang hi hmuh a ni.
Chesualnaah pakhat thi
