Inngaihzawn laiin chetchhiat chang kan nei ve fo a, chutiang hunah chuan engtin nge kan tih ang? Relationship lama mithiam ten chetchhiat changa tih dan tha ni a an sawite kan rawn tarlang e.
1. Restaurant-ah i chawlh pui a, mahse, i wallet i theihnghilh tih i hrechhuak leh thut. Chutiang hunah chuan hamhaih a buaichhe mai lovin thudik tak hrilh nghal mai tur a ni. Thupha chawi la, hrehawm i tih zia te hrilh mai rawh. Nidangah i la treat tur thu te pawh hrilh nghal la.
2. I ngaihzawng nen in lenchhuah dunnaah i ngaihzawng hlui nen in inhmuh fuh palh haluh mai. Ani nen khan in inthenna a la rei lo a ni emaw, in inthen dan a fuh tehchiam lo pawh ni thei a. Chutiang hunah chuan i ngaihzawng thar tan leh i tan pawh a nuam lo. Chutiang hunah chuan a hmuh phak loha kal bo thuai kha a tha ber. A lo hmu fuh ve che a, a rawn bia che a nih pawhin, polite takin, tawi fel takin chhang la, i ngaihzawng chu hmun dangah kalpui leh daih mai rawh.
3. I ngaihzawng thar nen lenchhuah in tum a, i tlai hle mai a. Minute 20 aia reia i tlai dawn a nih chuan hrilh lawk ngei ngei tur a ni a, SMS thawn aiin phone call ngei a tha. Minute 15 aia reia tlai chu a lo nghaktu tan thinrimna tham a ni.
4. I ngaihzawng thawmhnaw-ah in tur i ti baw palh emaw, ei tur i thlauh palh a ni thei. La innel vak hma chuan hetiang hunah chuan chet sual a awl hle a ni. I tihpalh a nih thu leh pawi i tihzia te hrilh la, a tihfaina tur ngaihtuah sak nghal ang che. |awngkam mawiah, ‘Ka lo suk fai sak ang che,” te han ti la, a lawm viau ang.
5. I ngaihzawng nen in leng chhuak dun a, mahse, engkim mai chu a fuh lo vel vek. In kalna hmun beisei angin a nuam lova, in eitur order a ni lo zawk an rawn pe che u a, thil dang reng reng pawh a fuh hleithei lo. Mahse, chutiang mai mai chu i mood tihchhiat tir duh suh. Nuihpui la, nakin-a sawi tur la titamtu tur a nih kha.
Chetchhiat khuhmawi dan
