Chhattisgarh-a lirthei insu-ah mi paruk thi

Chhattisgarh-a lirthei
insu-ah mi paruk thi
Chhattisgarh-a Balod district chhungah sports utility vehicle (SUV) leh truck insuin, mi paruk an thi a, midang pasarihin hliam na tak an tuar.
Pathianni zan khan he chetsualna hi thlengin, police te chuan thawhtanni khan he thu hi an sawichiang a, Gunderdehi area-a chhungkaw leng chhuakte chuan he chetsualna hi an tawn thu an sawi a, Daundi police station huamchhung a nih avangin hetah hian thubuai ziah luh a ni.
SUV a chuangte hi mi 13 niin, an zinga paruk chu a hmunah hian an thi nghal a, midang pasarihte chuan hliam na tak an tuar a ni. Thi zingah hian naupang pakhat a tel thu police te chuan an sawi.
Hliam tuar pasarihte hi a bul hnai community health center-ah dah nghal niin, an nat hlawm em avangin Rajnandgaon district hospital-ah hruai nghal an nih thu thuneitute chuan an sawi bawk.
He chetsualna thlengah hian thubuai ziah luh niin, chhui zui nghal a ni a, thil thlen dan engkim a hriat chian theih thuai an beisei thu police te chuan an sawi bawk.