Chhe lailet dera insawi hi kalphung
thar zuartute kal dan – Dr R Lalthangliana
Mizoram chu chhe lailet der anga sawi a, a beidawng zawng hlira mipuia zirtirna pek chu kalphung thar zuartute kal dan a ni tih MNF adviser Dr R Lalthangliana chuan a sawi.
Lungleia municipal inthlan campaign tawp ni ah thu sawiin Dr R Lalthangliana chuan, sawrkarna la chelh ve ngai lo, sawrkar kalphung leh ram hruai dan pawh la tem chhin ve lo ten Congress, PC leh MNF sawrkar kal tawh leh sawrkar lai beih ringawt, an thil tih that lai sawi duh si loin a chhe lai ringawt an sawi reng tih sawiin, “Mizoram hi chhe lailet der anga sawi a, a beidawng zawng hlira mipuiah zirtirna pea kalphung thar zuartute kal dan hi a tha lo a ni,” a ti.
Budget pawh la khawih ve ngai reng reng loten LMC piang tur thil liantham chu kalpui ngaihna an hriat loh tur thu sawiin, MNF LMC a pian chuan ‘model LMC’ an din tur thu a sawi bawk.
Chhe lailet dera insawi hi kalphung thar zuartute kal dan – Dr R Lalthangliana
![](https://theaizawlpost.org/wp-content/uploads/tap_logo-min-large.jpg)