Chhiah hmu tha, kum hmasa khum
Pawisa kum liam ta 2022-23 khan taxation department-in chhiah an hmu tha a, kum hmasa aiin chhiah atanga sum lut hi a tam.
2022-23 chhung hian chhiah chi hrang hrang atangin Rs 1020,66,22,746.00 an hmu a, a hma kum 2021-22 khan Rs 8,947,531,769.65 an hmu. Kum hmasa aia a tamna hi 1,25,90,90,976.35 a ni.
2022-23 chhung hian an target hi khum a, Rs 120,62,71,746.00 laiin target hi an khum a ni.
Kum dang ang bawkin chhiah tam ber chu State Goods and Services Tax a ni a, 2022-23 chhung hian Rs 891,33,10,807.00 an hmu. State Goods and Services Tax-ah hian target an khum a, Rs 121,33,10,807.00 laiin target an khum.
Chhiah chi dangah pawh target hi an khum; Other Taxes on Income & Expenditure-ah pawh Rs 15,67,81,158.00 an hmu a, 67,81,158.00-in an khum. Registration & License Fee-ah an target zat chiah chiah, Rs 2,82,193.00 an hmu.
Tax on Sales, Trade etc-ah Rs 113,61,31,712.00 an hmu a, hetah hian target an pha lo thung. Entertainment Tax-ah pawh target an pha lo; Rs 1,16,876.00 an hmu a, 34,124-in an pha lo.
Taxation department hotute chuan chhiah khawn kawngah tan an lak thu an sawi a, investigation wing an din a, chumi hmang chuan tax return file lote chhuiin reminder an pe a, TDS atanga chhiah pe te pawh chhuiin chhiah pe tha turin an hrilh thin tih an sawi.
Taxation department hian kum hmasa lamah pawh target an lo khum tawh thin a, 2021-22 pawh khan an target cheng vaibelchhe 717.13 chu cheng vaibelchhe 177.71-a khumin cheng vaibelchhe 894.74 an hmu a ni.
Chhiah hmu tha, kum hmasa khum
