Mizoram Police (Southern Range) huamchhunga district pali awmah Lunglei tih loha pawikhawihna lam tamna chu Siaha a ni.
Inspector General of Police Southern Range C Lalthanmawia chuan Thawhtanni khan Lungleiah thuthar thehdarhtute a kawm a. Heta police record tihchhuaha a lan danin, kum 2022 chhung khan Lunglei district-ah IPC case 188 leh non-IPC case 17, a vaiin case 205 ziahluh a ni a. Kum 2023 ah chuan IPC 186 leh non-IPC 62, a vaiin 248 ziahluh a ni.
Siaha district-ah kum 2022 hian IPC case 87, non-IPC 16, a vaiin case 103 ziahluh a ni a. 2023-ah IPC 79, non IPC 15, a vaiin 94. Lawngtlai district ah 2022-ah IPC case 87, non IPC 31, a vaiin 118; 2023-ah IPC 68 leh non IPC 21, a vaiin 89 ziahluh a ni. Hnahthialah 2022-ah IPC 36, non IPC 7, a vaiin 51; 2023-ah IPC 51 leh non IPC 35, a vaiin 86 ziahluh a ni.
Rukruk leh in rawk thubuai ziahluhah Lunglei district dawtah Siaha hi a awm a, POCSO dan hnuaia thubuaiah Lunglei dawtah Lawngtlai a awm ve thung. ND&PS Act hnuaia thubuai ziahluhah phei chuan district 4 zingah Siaha hi a hniam ber a ni ve thung a, 2023-ah phei chuan thubuai an nei lo.
Kumin chhunga thubuai ziahluh tawhah pawh Siaha hi Lunglei tih lohah chuan a ngah ber a ni.
Chhimlamah Lunglei dawta pawikhawih lam tamna Siaha
