Police-te chuan Pathianni kalta-a Kalamassery, Kochi hmuna Kristiante inkhawmna hmuna bomb puak chungchang kal zelah social media kal tlanga chi leh chi inkara buaina thleng thei zawnga thu thehdarhtu nia an hriat mi 54 te chu manin thubuai an siam sak.
Inrinni khan Police-te chuan thuchhuah siamin heng zinga a tam ber mi 26-te chu Malappuram district niin mi 15 te chu Ernakulam leh mi 5 te chu Thiruvananthapuram ah te an ni. Thrissur City leh Kottayam ah te mi pahnih ve ve thubuai siam sak niin Pathanamthitta, Alappuzha, Palakkad leh Kozhikode-ah te thubuai pakhat theuh ziah luh a ni bawk.
He chi leh chi inkara buaina siam thei zawnga thu thehdarhtute hian lem an chang nasa hle tih hriat niin fake profile an siam nasa hle tih police te chuan an hmu chhuak a ni. “Facebook ah te, Instagram te, X te, WhatsApp leh social media hrang hrang ah te heng fake frofile hmangtu IP address te hre chiang hmasa turin ngen a ni a. State chhunga cyber cell tin te chu chutiang ang thil lo khawihtu te dap chhuak turin nilengin hna an thawk a ni,” tiin Police thu chhuah chuan a sawi.
Chi leh chi inkara buaina siam vangin mi 54 man
