Mizoram tlawhtu India National Badminton chief coach Pullela Gopichand chuan Thawhtanni zan khan Raj Bhavan-ah larsap Dr Hari Babu Kambhampati a hmu.
Larsap chuan Mizoramah badminton hlawhtlin pui thei thalai beiseiawm tak tak an tam tih a lo hrilh a. Mizo thalaite chuan India ramah football huangah hlawhtlinna duhawm tak an chang mek a, badminton-ah pawh kaihhruaina tha an dawn chuan hlawhtlinna liantham tak chang turin theihna an nei tih a sawi a ni.
Badminton chief coach chuan Mizorama a tlawh chhan leh a hun hman dan tur larsap hi hrilhin, a cham chhungin badminton player-te tih hmasawn dan tur official, coach leh player te a sawipui dawn tih a sawi a ni.
Chief coach-in larsap hmu
![](https://theaizawlpost.org/wp-content/uploads/tap_logo-min-large.jpg)