Children’s Science Congress hmang
Science Teachers Association Mizoram (STAM) leh Samagra Shiksha Mizoram State buatsaih State Level Children’s Science Congress vawi 33-na chu November 27&28 chhung hian Aizawlah neih a ni.
District 11 atanga child scientist-ten an thil zirbing, science project 47 hmangin an intihsiak a. Pachhunga University College zirtirtute – Dr Lalrinthara Pachuau, Dr K Vanlaldinpuia leh Dr Albana L. Chawngthu ten an endik.
Kumin CSC thupui chu “Science for Sustainable Development and Community Well-being” tih a ni a. Guide teacher-te kaihhruaia child scientist-ten project tha tak tak an nei chu lawmawm an tih thu STAM hruaitute hian an sawi.
Science Congress-ah hian child scientist mipa 36 leh hmeichhia 54, a vaiin 90 an tel a. District tinin science project an neih dan chu – Aizawl 16, Lunglei 3, Siaha 2, Lawngtlai 3, Serchhip 3, Champhai 4, Mamit 2, Kolasib 3, Saitual 4, Khawzawl 5 leh Hnahthial 2, a vaiin project 47 a awm a ni.
Children’s Science Congress hmang
