Children’s Talent Show buatsaih dawn
Rs 1,00,000 lawmman dawn theihna tur, naupang tana thiam thil inentirsiakna, Apex Bank Mizoram Children’s Talent Show neih a ni dawn a, he talent show hi a tum hnihna tur niin, kum 14 hnuailam tan tel theih a ni a, pakhatnain lawmman Rs 1,00,000 a dawng dawn a, pahnihnain Rs 50,000 leh pathumnain Rs 20,000 an dawng thei dawn a, Top 10 a lang te tan thilpek tha tak tak a awm dawn niin a buatsaihtu te chuan an sawi. He talent show-ah hian Mizoram Cooperative Apex Bank leh Women & Child Development te chu main sponsor an ni.
He show a tel duhte tan June ni 15, 2025 thleng video clip Kristie Avon, Zarkawt-ah theh luh theih a ni a, hetah hian registration pawh tih nghal theih a ni a, online a video clip theh lut duh tan phone number 9774954015 leh 9612630638-ah te theh luh theih a ni a, registration a tih theih nghal bawk a, video clip theh luh te chu Selection Round atan hman nghal tur a ni.
Apex Bank Children’s Talent Show hi naupang school kal tibuai lo tur leh exam tibuai lo tura ruahman a nih thu a buatsaihtu te chuan an sawi a, July ni 1 atanga tan tur niin, show hi LPS 10-ah leh Melham Reality YouTube channel-ah te tihchhuah a ni ang.
Children’s Talent Show buatsaih dawn
