A zawna tum ruk ngawt opening round a paltlang zawh lohna ni turin star Indian shuttler Lakshya Sen chu Nilaini khan China Masters badminton tournament found khatnaah a tlawm a, seventh-seeded Chi-nese Shi Yuqi lakah 19-21, 18-21-in a chak lo.
Shenzhen khuaa tun season-a BWF Super 750 event hnuhnungber tur khelh mekah hian India star player dang Kidambi Srikanth pawh opening round match-ah chak lo ve bawkin, world champion Kunla-vut Vitidsarn of Thailand lakah 15-21, 21-14, 13-21-in a tlawm.
World number 17 Sen hi kumin Canada Open title latu kha niin, China lamah erawh a chetchhiat thinna a siamtha zo lo.
World No. 24 Sri-kanth pawh he World Tour-ah hian a zawn zata vawithum tlawng first-round a paltlang zawh lohna ni ve bawkin, season kal laiah hian quarter-final tum li a lut tih loh chu chhuan tur a nei chau!
Sen leh Srikanth hi nakkum Paris Olym-pics-a ilan pha turin kumthar April ni 28 ral hma ngeia top 16 kai chhoh hmanin an bei chhunzawm zel dawn a ni.
China Masters khelh mekah hian Indian player la naupang tak Priyanshu Rajawat pawh round khatnaah a tla ve bawk a, minute 46 lek chhungin Ja-panese Kenta Nis-himoto lakah 17-21, 14-21-in a tlawm.
Asian Games bron-ze medallist HS Pra-nnoy (singls) bakah men’s doubles pair Satwiksairaj Rankireddy leh Chirag Shetty-te chuan nizan khan second-round match an khel hlawm a, an result tarlan hman a ni ta lo.
China-ah Lakshya leh Srikanth tlo lo
