China-ah Robot football tournament

China-ah Robot football tournament
China-ah chuan a vawi khat nan ROBO League robot football tournament an khel a, AI a thuam robot player ten 3 vs. 3 match an khel ve laih laih. He tournament hi Beijing-ah khelh a ni a, mipuiin an hlut riau lehnghal a, robot football khel lai hi a hmunah mi sang chuang fê-in an en nghe nghe a ni.
Heng robot-te hi AI (artificial intelligence) hmang, football khel thei tura duan an ni a, football khelhdan chi hrang hrang an thiam a, AI hmangin game strategy te pawh an duang ve thei vek a ni.
He tournament executive director Dou Jing chuan, “Mihring inrawlh ve miah lohna, AI robot football match hmasa ber a ni. Technology leh industry lam thiamna kalkawp, thawk dun hmuhnawm tak a ni a, kan khawlaiah robot te mipui chevel zinga kan chhawp chhuah theihna tura tukverh pawimawh tak a ni,” a ti.
He tournament-ah hian THU Robotics team, Tsinghua University chuan Mountain Sea team, China Agricultural University team chu 5-3-in an hneh.
He event hi August thlaa 2025 World Humanoid Robot Sports Games neih tur boruak vuak hot nana an buatsaih a ni.