China in hmangaihna lam inzirtirna kalpui turin chah

China in hmangaihna lam inzirtirna kalpui turin chah
China sorkar chuan college leh university te chu inneihna, hmangaihna, nau neih leh chhungkaw din chungchangah ngaihdan tha tak leh nunphung dik tak an hriat nan hmangaihna lam inzirtirna pe tam turin a hriattir.
He thil an tih chhan hi khawvel mihring tam berna ramah hian naupiang an tlem chhoh telh telh avanga hmalakna pakhat nia sawi a ni a, naupiang zat tihpuna a awm leh theih nana hmalakna chi khat a nih thu thuchhuah chuan a tarlang.
Nikum atang khan China chuan nupa tuak tharten fa an neih tam theih nan kawng hrang hrangin hma a la tan a, hei hi a kum zawna naupang an tlakhniam zel vang a ni.
China ram chanchinbu pawl inzawmkhawmte chuan college zirlaite chu naupiang tipung theitu ber an nih avangin he hmalakna kalpui hi an hnen atanga tih tan ngai niin an sawi a, inneihna leh hmangaihna chungchang inzirtirna chuan an rilru leh ngaihtuahna nasa taka a thlak danglam an beisei thu an sawi.