Thlalak pawisawi lo tak angin a lang a, mahse, chu chu Zheng Xiaoqing, energy conglomerate General Electric Power a thawk tlakchhiatna bul chu a ni thung.
US-a Department of Justice (DOJ) te chuan US khua leh tui Zheng Xiaoqing hian amah chhawr tute files te chu ni tla tur thlalak ditigal photography binary code hmanga ru chhuakin amah a inthawn ta thin an ti a.
He technique hi steganography tih niin data file te data file dang vek hmanga thuhruk dang a ni a. Zheng hian GE atangin he mi hmang hian file pawimawh dang te a lo la teuh tawh a ni.
GE hi multinational conglomerate niin healthcare, energy leh aerospace sector lama inhnamhnawih niin refrigerator atangin aircraft engine thlengin an siam a ni.
Zheng-an information a ruk hi gas leh steam turbine design leh manufacture dan a ni a, heng zigah hian turbine blades leh turbine seals te pawh telin maktaduai tel fe hlutna nei a ni a, chungte chu China-a a thawhpuite hnenah a thawn ta thin a. Chu chu China sorkar mai bakah China-a inbun company leh university tena an hlawkpui em em a ni.
Tun thla tir lam khan Zheng chu kum hnih lung in tang tura tih a ni a. Nikum November thla pawh khan Chinese national Xu Yanjun spy chu US aviation leh aerospace company te trade secret a ruksak tia puhin kum 20 lung in tang tura tih a lo ni tawh bawk.
Hengte hi China-in technology lama san a tumna leh a economy tihlen a tumna mai bakah geopolitical order thlak a tumna kal zel a ni a, US erawhin Amercian power laksak tumna chu dan tumin theihtawp a chhuah ve mek bawk.
Hetianga trade secret inruksak hmang hian ram pakhatin global value chains-ah te rang takin a zuankhum thei thin a ni, tiin Nick Marro, Economist Intelligence Unit chuan a sawi.
Nikum July thla khan FBI director Christopher Wray chuan London-a business leaders leh academics te inhmuhkhawmnaah China chuan Western company te intellectual property te chu ruksak tumin a bei nasa a, industry thunun a tum a ni a ti tawh bawk a.
Khawvvel hmun tina company te chu enthla rengin khawpui lian atanga khawpui te thlengin Fortune 100 atanga start-up te, aviation atanga AI leh pharma thlengin thunun vek tumin a bei nasa tiin a sawi.
Khatihlai khan China foreign ministry thupuangtu Zhao Lijian chuan Wray thusawi chu ‘China tihhmelhem tum’ tih leh ‘Cold War mentality’ tiin a chhang zui nghe nghe a ni.
China-in mi dinhmun luahlan a tum
Zheng chungchanga DOJ thuchhuah neihah FBI a thawk Alan Kohler Jr chuan China chuan American thiamna bitumin global leader kan nihna ata min paihthlak a tum a ni, a ti a.
Zheng hi turbine sealing technology lama engineer niin stam turbine engineering lamah sulhnu nei tha tak a ni a. US company tena heti lama an thuruk te China hnenah a pe teuh hman tiin DOJ te chuan an sawi.
Gas turbine te hi aircraft a hman niin China-in aviation industry lama hmasawn a tumna atana pawimawh chungchuang a ni.
Aerospace leh aviation equipment te chu Chinese thuneitu tena hmasawnna chak tak an neiha ram dang laka a intodelh theih nana sector an thlurbing bik pawimawh 10 zinga tel a ni a.
Mahse Chinese undustrial espionage hian sector hrang hrangte pawh a huam tel vek tho. Pharmaceutical development leh nanotechnology te, medicine, textiles leh fabrics bakah automobile thlengin a ni vek tiin Silivon Valley a inbun consultancy Constellation Research founder Ray Wang chuan a sawi.
Wang chuan Fortune 100 company-a research leh development lama hotu ni thin chuan a mi rin ber, a hnaih em em, an fate pawh inkawma seilian ho a thian chu Chinese Communist Party te leia a lo awm reng thu a hrilh thu a sawi a. “Khawi hmunah pawh China-in spy a nei vek tluk a ni tiin min hrilh,” tiin a sawi.
Tun hma chuan industrial espionage lamah Japan, South Korea, Taiwan leh Singapore te chu a tuartu an ni thin tiin sawi a ni thin a. Mahse indigenous firm tena innovative market lamah sulhnu an neih ngah hnuah an intellectual property te humhim duhna nei nasa in hei vang hian an sorkar te chuan ngai pawimawhin dan a siam zui mai a ni an ti bawk.
Heng bakah hian China chuan a ram chhunga inbun foreign company te chu an technology thiamna te chu joint venture agreement siampuiin Chinese market tha bawk si an luh theih nan ruahmanna siamin chuta tang chuan hlawkna a neih phah thin tih a ni bawk a. Chung foreign firm te thiamna chu a neih theih phah thin a ni.
Hacking deal nuihzatthlak
Kum 2015 khan US leh China te chuan intellectual property lamah leh trade secret leh confidential business information lamah cyber hmanga inruksakna a awm loh nan inremna an siam a.
Mahse, he mi kum vek hian US National Security Agency te chuan Chinese sorkar chu inremna bawhchhiaah an puh zui nghal a, mahse, he inremna vang ringawt hian US sorkar leh corporate date te hack tuma hmalakna chu a maka makin a tlem zui nghal thei hial.
Mahse, ram pahnih te inremna siam hian awmzia a nei thui lo an ti thung a. Wang chuan inremna chu nuihzatthlak tia sawiin a taka kalpui tak tak a ni lo a ti bawk a. Chinese tena cyber hmanga US an spy-na chu nasa tak tia sawiin academic labs thlengin an thlurbing vek a ti bawk.
US chuan China-in semiconductor industry lama hmasawn viau a tum chu a dang ta mek a, he semiconductor hi smartphone atanga weapons of war thlenga pawimawh niin China-in he technology a duh anga a nei mai thei chu US national security atana pawi thei an ti a ni.
Semiconductor lama US in China a hrek hian China-in technology lama hmasawn zel a tumna chu thuk takin a tibahlah dawna ngaih a ni a, chutihrual chuan China chuan US leh foreign product-te a tech supply chain atanga paih a tumna a tichak thung ang tih a ni bawk.
Hei hi China-in tun hma deuh atang tawha kalpui a tum leh mahse a tih hleih theih loh a ni a, mahse, tunah chuan nasa zawkin kalpui nei a tum dawn a ni, a ti bawk a.
China chuan a national security pawimawhna tun hnaiah a sawi chamchi bawk a, chuta tana technology pawimawhna pawh a thlurbing ber a ni a. Tun hnaia US in hmalakna a neih chu China tana pawi em em a nih bawk si avangin ram pahnih te inlaichinna chuan that lam a pan dawn hauh lo tiin Wang chuan a sawi bawk.
Wang chuan US chu China lakah a la chungnung turu tia sawiin ka cyber-security thian te chuan Chinese site an hack changa thil pawimawh an hmuh awm chhung chu US intellectual property te a ni zel a ti bawk.