Japan foreign ministry chuan thuchhuah siamin kumin March thla daiha China-in a lo hren tawh Japan mi chu enthlatuah puhin China chuan dan pangngai ang thlapin a man niin tunkar October ni 19, Ningani khan an sawi.
Japan mi China rama kum 20 lai hnathawka lo awm tawh chu Tokyo-based Pharma Company ‘Astellas Pharma’ hnathawktu a nih thu an sawi a ni.
Japanese Chief Cabinet Secretary Hirokazu Matsuno chuan chanchinbumite hmaah sawiin, “Japan mi leh sa ngei man a ni tih hi finfiah a ni tawh a, China thuneitu te hnenah a rang lama chhuah a nih thei dan tur remchang leh thil tul tih theih awm apiangte nasa takin kan zawng a ni,” tiin a sawi a ni.
China lam chuan Japanese pa hian China dan khauh tak mai chu bawhchhiaah an puh ve thung bawk. Chinese Foreign Ministry thupuangtu Mao Ning chuan Ningani khan Japanese an man chungchang sawiin, “Enthlatu nia rinhlelh a niin China dan khauh tak bawhchhia leh dan hmanga hrem ngei tur thil pawi a khawih a ni,” tiin a sawi a.
Japan thuneitute chuan China-in a mi hren hming leh nihna kimchangte chu thupin khawii hmun ah nge an hren tih pawh a sawi lang duh lo a ni. He thil thleng hi ram chhung venhimna lam thila inrawn khawmnain boruak tha lo a neih lai tak a lo ni bawk a ni.
He thil thleng hian nghawng tha lo zau zawk a nei thei a. China thiltih hian a tha lo zawngin a ram economy-ah nghawng a nei thei a, Japan ram leh khawthlang ram tangrual ten nasa takin khawvel ram economy lian ber pahnihna hi an hrek thei a ni.
July thla khan China hian US Corporate Firm changtlung tak Mintz Group chu China rama dik lo leh dan kalha hnathawkah puhin $1.5 million lai mai chu a lo chawitir tawh a. Hemi avang hian Chinese officials te chuan group Beijing chu an khar tir hialin an staff members 5 te erawh chu an hrethiam hram a ni.
China-in Japan enthlatu man
