China-in naupangte mobile phone hman khuahkhirh tumin hma la zel

Chinese technology share chu an ram cyberspace regulator tena smartphone hmang kum 18 hnuai lam te khuahkhirh tur a tih hnuah a tlahniam nghal a.
Alibaba leh video-sharing site Bilibili te share chu a tlahniam zui nghal a ni.
Tuna ruahmanna ang chuan naupangte chu nikhatah darkar hnih bak phone an khawih remtihsak an ni tawh dawn lo va.
Kum li kalta khan khawvela economy lian ber pahnihnaah hian game khelh theih hun chhung tuksakin an lo awm tawh bawk a.
Tuna Cyberspace Administration of China (CAC) tena ruahmanna an siam ang chuan naupang ten mobile device-ah internet zan dar 10 atanga zing dar 6 inkar an khawih thei miah dawn lo bawk a.
CAC rawtna ang chuan industry players mobile phone device siam tute, apps leh app stores neitute chuan ‘minor code’ siamin usage limit kum bithliahin an siam ngei a ngai dawn a.
Naupang kum 16 atanga 18 inkar te chu nikhatah darkar hnih chhung mobile phone atanga internet an hman phalsak an nih dawn laiin kum riat hnuailam te chu minute riat bak phalsak an ni dawn lo bawk a. He ruahmanna hi mipui nawlpui te ngaihdan hriat nana phochhuahin a awm mek a ni.
Technology giant te chuan he rules hi an zawm ngei ngei a ngai dawn a, gaming restriction an kalpui dan ang chiahin ruahmanna an siam a ngai dawn tiin Ray Wang, the founder and chief executive of Silicon Valley-based consultancy Constellation Research chuan a sawi.
He rawtna avang hian Alibaba share chu 2% a tlahniam nghalin Bilibili pawh 0.5% in a tlahniam zui nghal bawk a. technology giant tencent te share pawh 3% velin a tlahniam zui bawk.
China chuan tun hnaiah video games addiction khuahkhirhna turin ruahmanna tam tak siam tawhin heng video games atchilhna hian nuapangte hriselna a khawih nasa an ti a ni.
November 2019 khan China chuan kumtling lotena online games an khelh curfew a lo puang tawh bawk a.
Kum 18 hnuailam te chu zan dar 10 atanga zing lam dar 8 inakrah online gmaes an khelh khapsak ni tawh bawkin hei bakah hian weekdays-ah minute 90 chhung chauh leh weekends leh holiday ah te darkar thum chauh an khawih a lo phalsak tawh bawk.
State media chuan online games chu ‘spiritual opium’ tihialin a lo sawi tawh bawk a.
He ruahmaaan hian Chinese technology company te chu a khawih na viau tura ngaih a ni a. Khuahkhirhna nasa tak avang hian US chuan China chu gaming martket len lamah a khum phah tawh tiin research firm Newzoo te chuan an sawi.