China chuan US memory chip giant Micron technology te thil siam chu a national security tana pawi thei tiin a sawi a.
China cyberspace regulator te chuan America a memory chips siamtu lian ber te chu ‘network security tana hlauhawm’ tia sawiin hei vang hian khawvel economy lian ber pahnihnaa infrastructure project pawimawhah an chips siamte hman a ni dawn lo.
Hei hi Beijing leh Washington inkarna chhe sosang zela China-in US chip maker te laka chetlakna a kalpui hmasakna ber a ni bawk a.
Chips te hi khawvel huapa pawimawhna thuk tak nei niin a hma in US chuan China chip siamtu industry te lo hrek tawhin America semiconductor sector lamah dollar billion tel investment a kalpui thar bawk.
China Cyberspace Administration of China (CAC) ten thuchhuah an siamah, “Enfiahna neihah Micron te thil siam chuan network security tan thil pawi tak a thlen thei a, China information infrastructure supply chain tana thil pawi tak thlenin China national security atana pawi thei a ni,” an ti a.
CAC te chuan a kimchangin engtianga hlauhawm nge a nih leh Micron te thilsiam hlauhawmna chu sawifiahna an nei lo thung a.
Micorn thupuangtu pawhin China-a Micron product hralh atangin CAC te notice an dawn thu an sawi bawk a. “Engtianga hmalak tur nge kan ngaihtuah mek a. China thuneitute nen pawh sawihona kan la nei ang,” tiin an sawi.
US sorkar chuan China chetlak dan chu an pawm loh thu sawiin he hrekna an kalpuiah hian engmah behchhan tur an nei lo, tiin US Commerce Department thupuangtu chuan a sawi a.
“American firm-te thlurbinga dap thut leh bitum an hlawh fo lai hian China-in a market te hawngin regulatory framework langtlang a kalpui tia a sawi nen a inmil lo” tiin United States of America Commerce Department thupuangtu chuan a sawi bawk.
China in US memory giant te hrek hmak
![](https://theaizawlpost.org/wp-content/uploads/tap_logo-min-large.jpg)