China ram Prime Minister lo ni tawh Li Keqiang chu nimin Zirtawpni khan lungphu chawlin a boral a, Li hian Prime Minister niin kum sawm chhung office a luah a, hemi hnu thla sawm naah kum 68 mi niin a boral ta a ni.
Li Keqiang hi Communist Party hruaitu lu ber ni thei hial tura ngaih a ni a, mahse kum reilote kal ta khan President Xi Jinping chuan leadership inchuh theihna dan chu paihbo in ruahmanna a siam a, khawvela ram economy lian ber dawttu ram chu ngelnghet zawka kal dan thar a rawn duang chhuak ta a ni. Li Keqiang hi liberal market economy tui puitu leh tunlaia economist lar ni mahse Xi Jinping-an state control market a duh zawkna lam a zawmpui lo theilo a ni.
State thupuangtu CCTV-in a sawi danin, “Li Keqiang hi Sanghai-a chalh a hman laiin October ni 26 khan heart attack nasa tak mai a tawk thut a, a nunna chhanchhuah tuma nasa taka beih ni mahse nizan October ni 27 zanlai minutes 10-a a pelh khan shanghai-ah a thi ta a ni” tiin a sawi a, a chanchin chu reilotea chhuah tur a nih thu a sawi bawk. Li Keqiang hi March thlaa a hna atanga a chawlh hma zawng kum sawm chhung chu President Xi Jinping-a kaihhruaina hnuai ah Prime Minister niin Cabinet hruaitu lu ber a lo ni tawh a ni.
“Khawvel thli leh chhum te hi lo inthlak danglam mahsela engmahin awmzia a neilo, China chuan a bul a lo tan tawh chu penbo sanlo in a tizau zel zawk dawn a ni” tiin Li chuan mipui hmaa a inlan hnuhnun ber March thla khan a sawi a ni. “The Yangtze River leh the Yellow River te chu an luang let ngailo ang” tiin. Kum 2020-a poverty leh income inequality chungchanga debate pawh amah avangin a lar hle a, China-a mi maktaduaih 600 hian thla khat-ah $140 aia tlem an thawk chhuak a ni, tiin. Adam Ni, China-a independent political analyst leh author chuan, “China chu siam that leh inhawng mek a nihna atanga lak pen a nih mek laiin Prime Minister thu neihna neilo-in a thu” tiin Li chu a sawi a ni.
Li Keqiang hi China chhak lam Anhui province-ah lo piangin a pa chu thingtlang lo neihna hmun ah sorkar hnathawk thin a niin Cultural Revolution hun lai vel khan leilet ve turin lo ah an tir a ni. Peking University ah law zir ve in Li chu democracy tan em em tute thian rinawm tak a lo ni a, heng zingah hian an party pawhin a control theihloh hruaitu te an awm hial a ni. Hetih hunlai vel hian hruaitu ropui tak Deng Xiaoping kaihhruaina hnuai ah siam thatna hna kalpui mek niin mi thiam te leh politics thila hawi harh tak tak saptawng thiam te an lo awm ve zel bawk a, hengho kaihhruaina hian kum 10 lai mai a awh hman a ni. Chung hunlai- democracy tantu te hun kum 1989 vel bawr chu anmahni dodaltu ten Tiananmen Square-ah pungkhawmin sipai ten an ti darh ta a ni.
Graduate a zawh hnuin Li chuan Communist Party’s Youth League a zawm a, reform tumtu atangin office sang zawk ah a awm ta a ni. Law-a Master degree a zawh dawn laiin Youth League a kaihruai a, market reforms duh em em tu economic Professor Li Yining hnuai ah doctorate degree a hmu a ni. Politics-a a experiece neihna chu Henan bial ah provincial leader niin a hmang tangkai hle a, central China-a thingtlang rethei tak bial chu AIDS avanga hmingchhiatna nen an kaikawp ta a ni. Liaoning-a party chief-ah tang lehin investment neih dan tur leh industry hmunpui ni turin thil thar a dap reng bawk a ni.
Li Keqiang duhsaktu ber chu Hu Jintao niin Youth League nghetlo taka vuantu a ni a. Xi Jinping-an party chief a nih kum 2012 khan Youth League faction chu a kalsan ta a ni.
China Prime Minister hlui thi.
